Teitur Skoubo verður sitandi handan rimar

Eystari landsrættur hevur í dag staðfest avgerðina hjá býarættinum í Odense, um at varðhaldsfongsla føroysku realitystjørnuna í Danmark, Teit Skoubo.

Hann verður sostatt sitandi handan rimar til málið kemur fyri í Eystara landsrætti, upplýsir rætturin fyri Ekstrablaðnum.

Verjin vísti annars á, at Teitur Skoubo annars hevur verið samstarvsfúsur meðan málið hevur verið fyri, tí hann millum annað møtti upp í rættinum av egnum vilja.

Hetta var ikki nokk til at broyta siðvenjuna um, at persónar sum fáa treytaleysan dóm meira enn eitt ár, verða varðhaldsfongslaðir.

Tað var mikudagin, at Rætturin í Odense dømdi 26 ára gamla havnarmannin sekan í at hava neyðtikið eina 25 ára gamla kvinnu eina novembernátt í fjør.

Umframt fongsulsrevsing, er Teitur Skoubo eisini dømdur at rinda sakarmálskostnaðin og 100.000 krónur til órættaðu kvinnuna. 

Les eisini: Hálvt triðja ára fongsul til Teit Skoubo

Les eisini: Ákærdur fyri neyðtøku: Málið byrjaði í rættinum í dag