Soleiðis síggja áttandapartsfinalurnar út

Seinastu dystirnir í EM-bólkaspælinum vórðu spældir í kvøld. Heilt stóra søgan var Georgia, sum er til sítt fyrsta endaspæl. Liðið tryggjaði sær pláss í áttandapartsfinalunum við 2-0 sigri á Portugal.

Sí eisini: Georgia framdi bragdið í Gelsenkirchen

Í 1/8-finalunum skal Georgia móti Spania. Niðanfyri sæst yvirlit yvir teir fyrstu "knock-out dystirnar" í Týsklandi.

Kvaratskhelia og liðfelagirnir taptu 7-1 fyri Spania í undankappingini í fjør. Mánadagin hittast liðini í einari áttandapartsfinalu. Søguligur dystur hjá Georgia - Spania er einasta liðið, sum hevur vunnið allar dystirnar í endaspælinum (Mynd: EPA)

Frídagar eru í morgin og fríggjadagin, áðrenn Sveis og Italia bresta saman í Berlin tíðliga leygarkvøldið. Seinni um kvøldið spæla týsku vertirnir móti Danmark í Dortmund - í dag eru júst 32 ár liðin, síðani Danmark vann EM-gull við finalusigri á Týsklandi í Göteborg.

Størsta uppgerðin er annars helst Frakland - Belgia.

Áttandapartsfinalurnar í EM-endaspælinum

Leygardagin 29. juni
17.00: Sveis - Italia
20.00: Týskland - Danmark

Sunnudagin 30. juni
17.00: Ongland - Slovakia
20.00: Spania - Georgia 

Mánadagin 1. juli
17.00: Frakland - Belgia
20.00: Portugal - Slovenia 

Týsdagin 2. juli
17.00: Rumenia - Niðurlond
20.00: Eysturríki - Turkaland

Vegurin til Henri Delaunay-steypið sær soleiðis út (Mynd: Fabrizio Romano)