KÍ skal spæla avgerandi dystir móti finsku meistarunum

Yvir tveir dystir skal KÍ nú vinna samanlagt á finska meistaraliðnum, fyri at evropeiska bólkaspæli skal gerast ein møguleiki, annað árið á rað. Mótstøðuliðið í næstu viku, HJK Helsinki, hevur undan dystinum verið í ttrimum evropeiskum bólkaspælum á rað. 

HJK Helsinki er ikki heilt ókent lið um okkara leiðir. Liðið var í Føroyum í 2018 og 2019, móti ávikavist Víkingi og HB.

Í 2018 vann HJK 2-1 á Víkingi í Føroyum, og 3-1 í Helsinki. Í 2019 spældi HJK javnan 2-2 dyst móti HB í Føroyum, og vunnu teir 3-0 í Helsinki.

Eisini var finska meistaraliðið í Føroyum fyri 30 árum síðani, tá teir vunnu 5-0 á B71 á niðara vølli á Toftum.

Fyrri dysturin stendur at vera á Tórsvølli í næstu viku, hósdagin 22. august. Returdysturin verður í Helsinki eina viku seinni, hósdagin 29. august. Vinnur KÍ samanlagt á finsku meistarunum, er tað aðru ferð í søguni, at eitt føroyskt lið kemur víðari eftir sigur á finskum liði. Higartil einastu ferð var í 2013, tá Víkingur vann samanlagt 2-1 á Inter Turku.