Jákup heldur kortini fram á Toftum

- Eg skrivaði undir í trý ár, tí eg helt veruliga, at tað var nakað at byggja víðari á. Men eg tími ikki hetta órógvið rundan um B68, so tí havi eg boðað frá, at eg verið bara árið út.

Soleiðis segði Jákup á Borg við Frihedsbrevet fyri tveimum mánaðum síðani.

Sí eisini: Jákup fer skjótt at takka fyri seg á Toftum

Tað vendir tó skjótt í fótbólti - og í lívinum - og eftir fundarvirksemi á Svangaskarði í vikuni er greitt, at Jákup á Borg situr sáttmálan út í øllum førum.

Hetta hevur Portalurin fingið váttað, og fer B68 at kunngerða hetta í kvøld.

B68 helt sær í Betrideildini við 4-1 sigri við Løkin leygardagin.

Jákup á Borg og Súni í Hjøllum, borgarstjóri í Nes kommunu. Fyrrverandi borgarstjórin Jóhannus Danielsen hevur nú tikið við sum formaður í B68 (Mynd: Sverri Egholm)

Sí eisini: Jákup og Jákup: - Fara ongantíð at gloyma hesar løturnar

Jákup á Borg tók við á Toftum í 2022 og skrivaði fyri tveimum árum síðani undir trý-ára sáttmála.

Meira seinni