Bjørk og Brynhild: - Stuttligt at spæla uttanfyri høvuðsstaðin og at syngja tjóðsangin

Báðar kasta við vinstru hond, og báðar komu inn móti endanum av fyrra hálvleiki í tepra tapinum fyri Svøríki.

20-ára gamla Bjørk Franksdóttir Joensen var síðani úti eina løtu í 2. hálvleiki aftur, men skoraði samanalgt trý mál og legði eisini upp til trý av høgra bakki.

21-ára gamla Brynhild Pálsdóttir skoraði uppá fýra av sínum seks skotum og varð javnsettur føroyskur toppskjútti. Tað seinasta skotið var eitt sindur spískt, bólturin rakti verjuspælaran, beint áðrenn H71-vongurin fekk bóltin, og skotið raktið stongina.

Hettað iðraði Brynhild seg um eftir dystin, men var hon væl nøgd við egna avrik, og heldur vongurin, at Føroyar avgjørt kunnu basa Svøríki í morgin - og tað hevur nakað at siga, hóast talan er um venjingardyst.

Brynhild Pálsdóttir í undankappingardysti (Savnsmynd: Sverri Egholm)

Bjørk staðfestir eisini, at dysturin var heldur rokaligur, og at Føroyar í sínum álopsspælið til tíðir komu ov tætt av svensku verjuni og góvu møguleikar til sjótálop hinvegin. Og so runnu vit ikki nóg væl heim, sigur Randers HK-spælarin, sum er uppvaksin í Neistanum.

Tær báðar, sum eru uppvaksnar í høvuðsstðarøkinum, settu eisini orð á upplivingina í Klaksvík við áskoðarunum og tjóðsanginum, har ljóðið varð kvett. 

Hoyr samrøðuna sum Portalurin hevði við teir báðar landsliðsspælararnar við at trýsta á bjálkan niðanfyri (3 mins) 

Les meira um dystin í Klaksvík í kvøld her: Svøríki var sterkari eftir steðgin og vann við einum

Sí eisini: Annika: Villur og kontra kosta okkum í kvøld (ljóð)

---------------------------------------------------------

Fyrri venjingardysturin undan EM-endaspælinum
Klaksvíkar Badmintonhøll, fríggjadagin 22. november
Føroyar - Svøríki B 27-28 (15-12)