U21: Her er fyrsti hópurin hjá Ólavi Mikkelsen

Beint áðrenn Eyðun Klakstein kunngjørdi A-landsliðshópin til dystirnar móti Georgia og Gibraltar, fekk Ólavur Mikkelsen orðið í trinstovuni á Tórsvølli. 

33-ára gamli strandingurin tók við starvinum 12. mars. Tað var júst Eyðun Klakstein, sum hevði ábyrgdina áðrenn.

U21-landsliðið hevði eina savnan síðst í mars - nú snýr tað seg um byrjanina av undankappingini til EM 2027.

Føroyar spæla fyrsta dystin á heimavølli leygarkvøldið 7. juni. Hetta í Klaksvík móti Estlandi.

Talan burdi verið um ein tættan dyst, men nógvar óvissur eru, nú eitt nýtt U21-landslið skal spælast saman. Bert fýra av spælarunum hava verið í dystarhópi hjá U21 fyrr.

Áki Samuelsen, ið ger um seg í Noreg, er størsti profilurin og hevur nógv flest U21-royndir. Javngamli Heini Fossdalsá Sørensen, sum hevur spælt nógv saman við Áka gjøgnum árini, spældi eisini nógv í seinastu undankapping. Nú ger hann vart við seg á besta liðnum hjá barndómsfelagnum, og skoraði Heini tvey mál og legði upp til eitt í Runavík í gjár.

Heini F. Sørensen eftir sítt fyrra mál við Løkin í gjár. Evnaríki miðvallarin verður ein profilur á U21-landsliðnum í hesari kappingini (Mynd: Sverri Egholm)

Annars eru nógv spennandi nøvn við, har teir flestu spæla nógv ella rímiliga í fremstu føroysku deildini. 

B68 er best umboðaða felagið við fimm spælarum.

U21-hópurin:

Ólavur Mikkelsen segði, at hann gleðir seg ógvuliga nógv til fyrstu uppgávuna (Mynd: Sverri Egholm)