Váttað: Ungur norðmaður skal styrkja HB-álopið

HB boðar tíðliga í kvøld frá stormávaring.

Ikki tí at tað er nógvur vindur í Gundadali - tað er tað sjálvdan har - men heldur tí man í norðara enda av Gundali hevur gjørt sáttmála við ein ungan norðmann, sum eitur Storm.

Tað er sami spælari, sum vit á Portalinum hava skrivað um fyrr í dag. 19-ára gamli  Storm Bugge Pettersen hevur vant við HB seinastu dagarnar og hevur staðið seg so mikið væl, at André Olsen og hinir hava gjørt av at fáa sáttmála í lag við nú fyrrverandi Sandefjord-spælaran.

Sí eisini: Ungur norðmaður til royndarvenjing - Leivur Guttesen venur við B36

Pettersen hevur ikki nógvar vaksnamannaroyndir, men hevur spælt nakrar dystir fyri næstbesta liðið hjá Sandefjord: Sandefjord er í Eliteseriuni. Í fjør spældi áleyparin átta dystir fyri Eik Tønsberg í triðbestu norsku deildini.  

Tá var Storm Bugge Pettersen leigaður út. Nú hevur hann skrivað undir tvey-ára sáttmála við HB.

Hetta hevur Havna Bóltfelag fyri stuttum váttað - stutt eftir at tað varð staðfest, at Bartal Páll Klein ikki spælir í felagnum í ár kortini.

Sí eisini: Bartal Páll Klein og HB enda samstarvið - endar helst í B36