Hondbóltur

Yvir 30 spælarar úttiknir til venjingar í næstu viku

Manslandsliðið savnast í Føroyum í sambandi við fyrireikingar til HM røkk-støkk dystirnar í mai. Hetta er eisini høvi hjá nógvum at vísa seg fram.

2026-03-12 14:15

Agnar Prestá

Fyrireikingarnar til komandi HM play-off dystirnar hjá monnum byrja í næstu viku.

Hetta staðfestir Hondbóltssamband Føroya á heimasíðu sínari í dag.

Tað er í sambandi við, at landsliðsvenjararnir, Peter Bredsdorff-Larsen og Hjalti Mohr Jacobsen, hava úttikið ein breiddarhóp til venjingar í Føroyum 15. – 21. mars.

Teir føstu eru við - og nógvir afturat teimum. Samanlagt eru 32 nøvn á listanum - fleiri ungir sum hava spælt lítið ella einki á A-landsliðnum og so eisini royndari menn, sum ikki hava verið við seinastu tíðina.

Málverjar:

Pauli Jacobsen, Sandnes (NOR)

Bjarni Jacobsen, VÍF

Micah Wardum Ragnarsson, H71

Tóraldur Kollsker, H71

Bakkar:

Tróndur Mikkelsen, HF Karlskrona (SWE)

Rói Ellefsen á Skipagøtu, IF Hallby HK (SWE)

Óli Mittún, GOG (DEN)

Elias Ellefsen á Skipagøtu, THW Kiel (GER)

Pauli Mittún, Team Sydhavsøerne (DEN)

Vilhelm Poulsen, TSV Hannover-Burgdorf (GER)

Kjartan Johansen, Elitesport Vendsyssel (DEN)

Pauli Rasmussen, StÍF

Høgni Heinason, H71

Peter Krogh, H71

Sveinur Olafsson, Afturelding (ISL)

Dánjal Ragnarsson, Fram (ISL)

Trúgvi Hávardsson, StÍF

Jónas Gunnarson Djurhuus, HC København (DEN)

Bjarni í Selvindi, Valur (ISL)

Strikur:

Teis Horn Rasmussen, Ribe-Esbjerg HH (DEN)

Pætur Mikkjalsson, Team Sydhavsøerne (DEN)

Ísak Vedelsbøl, IK Sävehof (SWE)

Helgi Hildarson Hoydal, H71

Vengur:

Rói Berg Hansen, Køge Håndbold (DEN)

Leivur Mortensen, HC København (DEN)

Pauli Høj, Bergsøy (NOR)

Hákun West av Teigum, Füchse Berlin, (GER)

Allan Norðberg, Valur (ISL)

Janus Djurhuus, HC København (DEN)

Niklas Gaard, Kyndil

Magnus Árason, GOG (DEN)

Jákup Egholm, H71

Fyrsta venjingin er komandi sunnukvøld kl. 19.30 Við Tjarnir og eru venjingar á skránni alla komandi viku, upplýsir HSF.

- Umframt hetta eru fundir, stuðlavitjanir og ein innahýsis venjingardystur á skrá. Hesin verður týsdagin kl. 19.00 í Vestmanna.

Næstu dystirnir hjá føroysku monnum verða HM røkttstøkk dystirnir (play-off) móti antin Bosnia Hersegovina ella Kosovo - hetta verður avgjørt í komandi viku. Play-off vera á útivølli miku- ella hósdagin 13/14. mai og heima leygar- ella sunnudagin 16/17. mai. Har fara Føroyar at standa sum stórfavorittar at vinna seg til HM-endaspælið.

Les eisini: Menninir skulu møguliga spæla í Lissabon í 2028

Vinarliga broyt tínar kennifíla - og privatlívsstillingar fyri at síggja hetta innihald