Rói Berg Hansen: - Ótrúliga rørandi og nokk nakað eg fari at minnast restina av lívinum

Eftir sín landsdyst nummar 54 og eftir at Føroyar tryggjaðu sær pláss í HM-endaspælinum í januar 2027, varð Rói Bert Hansen heiðraður.

Ein ógloymandi løta staðfestir 30-ára gamli havnarmaðurin, sum skjótt skal hugsavna seg um fulltíðarstarv sum spælari og kropsligur venjari í barndómsfelagnum Neistanum.

Hoyr Róa seta orð á sjálva avgerðina í samrøðu frá í gjár, har vit avdúkaðu søguna

Rói undan sínum seinasta landsdysti: - Havi havt nøkur fantastiskt ár og eri takksamur (Video)

Eftir sigurin á Bosnia í kvøld, har Rói Berg Hansen, var nakrar minuttir í kvøld setti hann orð á tíðina, og hví Føroyar vendu dystinum.

- Eg var faktiskt ikki í skiftingarrúminum í steðginum, men Peter Bredsdorff-Larsen plagar at vera analytiskur og siðiligur. Nøkur smáting verða rætta - serliga í verjuni -  og vit koma út við størri inntensiteti og dirvi og fáa allar áskoðarnar í ryggin. 

- Tað sum eg komi í tankar um nú, er EM-dysturin móti Noreg í 2024: Tað ógjørliga bleiv gjørligt, og tað savnaði veruliga Føroya fólk. Tað fari eg ongantíð at gloyma.

Rói Bert Hansen átti týðandi leiklut í javnleikinum móti Noreg við málum móti endanum (Myndir: Sverri Egholm)