Fyri fyrstu ferð í 72 ár: Sveis millum tey seinastu átta

So at siga alt HM-undirhaldið í kvøld var í Atlanta, men tað varð eisini nakað av drama í Vancouver - brotssparksdrama.

Sum tann einasta av áttandapartsfinalunum, skuldi Sveis - Kolumbia avgerðast úr ellivu metrum. Hetta tí at liðini ikki megnaðu at skora fyrstu 120 minuttirnar.

Í brotssparkskappingini brendi Manuel Akanji fyri Sveis, eins og í EM-fjórðingsfinaluni móti Onglandi. Men miðevropeiska liðið kom kortini í sína fyrstu HM-fjórðingsfinalu síðani á heimavølli í 1954.

Tí Kolumbia kiksaði tvær ferðir. Gregor Kobel bjargaði eina ferð, og so kundi Ruben Vargas avgerða.

Harvið er Kolumbia, eins og í 2018, úti eftir 1/8-finalu. Sveis skal royna seg móti argentinsku heimsmeistarunum sunnudagin.