Agnar Prestá
Sunnudagin setti KÍ-hópurin, umvegis Oslo, kósina móti Litava. Har eru lagnudystur, møguliga fyri kappingarár felagsins, á skránni ólavsøkudag.
Eftir 0-0 í fyrra dystinum í Føroyum er setinginurin greiður: Liðið hjá Magnusi Powell skal vinna á Kauno Zalgiris í Litava, um KÍ skal spæla seg í 3. umfar í Conference League. Og harvið eisini tryggja í evropeiskt deildarspæl í fyrstu av trimum royndunum í ár.
Deilarspæl er eitt stórt mál hjá KÍ í ár - tað er ikki dult. Um tað ikki eydnast í morgin, bíðar møguleiki í Europa League og síðan i Conference League, um man eisini verður ov stuttir í EL.
Árni Frederiksberg venur, og tað ger René Shaki Joensen eisini. Seinasta venjing undan lykladystinum var fyrr í kvøld.
Niðanfyri síggjast myndir, sum Klaksvíkar Ítróttafelag/Kronberg Photography tók í Jonava fyrr í kvøld.
Viðmerkjarar: Møguleikarnir hjá KÍ eru munandi størri enn við Árna
Champions League 2. umfar
Seinni dysturin, mikudagin 29. juli í Jonava
17.00: Kauno Zalgiris - KÍ (0-0)
Samanlagdi vinnarin fer víðari til 3. umfar í Champions League og skal við vissu spæla okkurt evropeiskt deildarspæl í heyst og í vetur
Til ber at fylgja við ovast á Portalinum - dysturin kann stroymiast fyri eitt gjald á tv.ki.fo
Vinarliga broyt tínar kennifíla - og privatlívsstillingar fyri at síggja hetta innihald