B68 bardi seg inn í botnbrakið og uppum strikuna aftur

Veruligt botnbrak var á Svangaskarði í kvøld, har 07 Vestur vitjaði. Talan var um tey bæði liðini, sum undan umfarinum lógu undir strikuni.

07 Vestur var á veg at vinna seg uppum, og lata B68 vera fýra stig frá bjargingini. Útiliðið var væl betri fyri steðgin á Svangaskarði, spældi væl og í 38. minutti legði Gasper Gedsted Hansen útiliðið á odda.

0-1 var á máltalvuni til 85. minutt. Tá vóru Jovan Goronjic og Fríði í Túni Petersen komnir á vøllin. Síðstnevndi skeyt, og so var serbin hjá B68 til reiðar og javnaði.

Harvið sá út til at verða so at siga "status quo" í botninum, men B68 vildi meira og vísti stóra sinnisliga styrki í kvøld.

Í 93. minutti gjørdi 07 Vestur óneyðugt fríspark tætt við baklinjuna í vinstru. Franski Loick Jean Henri Lespinasse royndi seg úr spíska vinklinum og snýtti Sebastian Wille í málinum hjá 07 Vestur.

Ovfarakæti á B68'inum sum við frísparksmálinum í yvirtíðini fór frammum bæði 07 Vestur og Skála og nú er á 8. plássi.

Støðan í løtuni: 

17. umfar í Meistaradeildini hjá monnum

B68 - 07 Vestur 2-1 (0-1)
38' Gasper Gedsted Hansen 0-1
85' Jovan Goronjic 1-1
90+3' Loick Jean Henri Lespinasse 2-1

Sunnudagin 2. august
AB - Skála 3-2 (2-0)
4' Ragnar Skála 1-0
31' Bjarki Nielsen, br. 2-0
76' Bjarki Nielsen, br. 3-0
90 (+3)' Jákup Pauli Frederiksberg 3-1
90 (+5)' Jákup Pauli Frederiksberg 3-2
Sí meira um dystin her

EB/Streymur - Víkingur 1-2 (1-0)
2' Óli Eyðsteinsson Poulsen 1-0
48' Sølvi Vatnhamar 1-1
78' Ingi Arngrímsson 1-2
Sí meira um dystin her

KÍ - B36  2-0 (1-0)
6' Páll Andrasson Klettskarð 1-0
49' Erlend Hustad 2-0
Sí meira um dystin her

Les eisini: KÍ tók oddasessin aftur

Í morgin, mánadagin 3. august
18.30: HB - NSÍ  (FM1)