Mikkjal tekur yvir í HB 1. november

Seint sunnukvøldið 22. september varð tað, sum hevur verið á veg í eina tíð, endaliga kunngjørt: Mikkjal Kjartansson Thomassen vendir aftur, har fótbóltsleiðin byrjaði - til Havnar Bóltfelag.

Sí eisini: Sáttmáli gjørdur millum HB og Mikkjal Thomassen

Í nærum 30 ár hevur Mikkjal Thomassen umboða samanlagt fýra onnur føroyskt feløg sum spælari og/ella venjari, umframt Frederikstad í Noreg og AIK í Svøríki. Longst hevur nú 50-ára gamli venjarin verið í B36 og KÍ.

HB og Mikkjal Thomassen hava gjørt sáttmála, sum er galdandi til og við 2029; ein trý-ára sáttmála.

Nakað av ivamálið hevur verið onkustaðni um, nær nýggi venjarin byrjar í starvinum. Men HB hevur á heimasíðu sínari staðfest tað, sum Helga Ellingsgaard, forkvinna, segði við Portalin 3. september: Núverandi venjaratoymið, við Lukasz Ciezlewicz á odda, heldur fram hetta kappingarárið út.

Les eisini: Lukasz verður venjari árið út - samband við Mikkjal Thomassen

Sìðani Lukasz Cieslewicz tók við sum HB-høvuðsvenjari í juni, hevur liðið ikki tapt nakran landskappingardyst (Mynd: Sverri Egholm)

Tað er ikki váttað enn, men sum skilst heldur Lukasz fram sum hjálparvenjari í 2027. Hann spældi í árunum 2011 til og við 2013 undir Mikkjali Thomassen í B36

Portalurin hevur fingið váttað frá góðum keldum, at Elisabet Vang verður nýggjur kropsligur venjari í HB. Tað var hon eisini í seinastu árunum hjá Mikkjali Thomassen í KÍ, umframt í Fredrikstad og størsta partin av tíðini í AIK.

Helga Ellingsgaard tók í summar við sum forkvinna í HB. Nú hava hon og starvsnevndin sett fastan høvuðsvenjara til besta mansliðið - ein venjara sum Helga sjálv hevði í felagnum í 1995, tá hann bert var 18-ára gamal (Mynd: hb.fo/Rói Sørensen)