Eru í fínari EM-støðu eftir fyrstu dystirnar - HM-endaspælið er tað næsta á skránni

Í januar 2027 skulu føroysku hondbóltsmenninir spæla í einum HM-endaspæli fyri fyrstu ferð.

Hetta varð tryggjað við tveimum sigrum á Bosnia í mai, og harvið skulu nógvir føroyingar til Týsklands tíðliga næsta ár.

Áðrenn HM-fyrireikingarnar byrjaði undankappingin til EM-endaspælið í síðstu viku. Føroyar greiddu fyrst sína skyldu á heimavølli móti Kosovo (37-30) og spældu í gjár, sunnudagin 8. november, javnleik móti Montenegro. Eitt samaumtikið góðtikið úrslit eftir tógvið stríð.

Sí eisini: Pauli Jacobsen: - Tað er góðkent at hava trý stig nú

Hoyr eisini: Vilhelm Poulsen kann liva við einum stigi á einum torførum útivølli

Elias Ellefsen á Skipagøtu tók stóra ábyrgd serliga síðstu løtuna, tá Føroyar vendu tí frá 30-32 til 34-33. Tað endaði tó við javnleiki (Mynd: Sverri Egholm)

Hetta setur eisini Føroyar í fína støðu í bólkinum, sum yvirlitið niðast eisini vísir.

Í desember verður HM-hópurin úttikin, spurningurin er hvørt tað vera 16 ella 18 spælarar. Fyrst í janua savnast liðið aftur í Føroyum til fyrireikingar.

-------------------------------------------------------

Undankapping til EM 2028, bólkur 4

Støðan eftir tvey umfør: 

1. Ungarn 4 stig
2. Føroyar 3 stig
--------------------------
3. Montenegro 1 stig 
4. Kosovo 0 stig *

* Bestu fýra trý'ararnir í undankappingini koma víðari til EM, umframt tvey tey ovastu

Føroyar spæla aftur 11. mars móti Ungarn við Tjarnir - tríggjar dagar seinni verður tað í Budapest. Áðrenn tað er HM-endaspæl á skránni

Sí eisini: Landsliðsvenjarin: - Vit prógva okkara dygdir við enn einum stigi á útivølli