Video: Geza Turi trívist undir trýsti

Seinast Føroyar spældu stóð hann fyri einari perlu av einum máli, og síðani knasandi góða skotið hjá gøtumanninum í Kasakstan, hevur Geza David Turi hildið fram við flotta spælinum í Grimsby.

Video: Geza Turi við frekum máli í FA Cup

Mánadagin var Geza aftur í Føroyum, har hann líka skuldi koma fyri seg eftir 120 minuttir í FA Cup. 

25-ára miðvallarin staðfesti millum annað, at honum dámar væl avbjóðingina at vera undir trýsti, og at spæla dystir, tá nógv stendur upp á spæl.

Soleiðis verður eisini í Slovakia fríggjakvøldið, tá Føroyar skulu royna at spæla seg nærri uppflyting í Nations League. Hetta móti favorittunum og oddaliðnum í dystinum

Hoyr samrøðuna við Geza David Turi ovast ella á Yotube-rásini hjá FSF-Varpinum

Føroyingar fara av landinum í morginárini, mikudagin klokkan 08.20. Ferðast verður ein góðan part av degnum - fyrst flogtúrur til Keypmannahavnar og síðani víðari til Slovakia (Kosice)

FM1 og Portalurin vera við á ferðini í dag og dekka dystirnar, har Føroyar spæla um møguligt uppflytingarpláss, tætt. 

-------------------------------------------------------------------

Nations League Deild C, bólkur 3
5. umfar, fríggjadagin 13. november
19.45: Slovakia - Føroyar

(Moldova - Kasakstan)

6. umfar, mánadagin 16. november
15.00: Føroyar - Moldova - Ókeypis fyri áskoðarar

(Kasakstan - Slovakia)

Støðan: 
1. Slovakia 10 stig
--------------------
2. Føroyar 4 stig 
-------------------
3. Moldova 4 stig
4. Kasakstan 4 stig

Eitt'arin flytir upp í B-deildina, meðan tvey'arin skal spæla røkkstøkkdystir um tað - heldur enn venjingardystir - í mars 2027. Eingin flytir niður hesaferð.

Sendiskrá í Slovakia (FM1):

Hósdagin 12. november 
Klokkan 11: Landsliðsradio úr Slovakia

Fríggjadagin 13. november

Klokkan 17.15: Fótbóltsskýlið
Klokkan 19.30: Slovakia - Føroyar

Trygvi Absalonsen hevur sendingar og sigur frá á staðnum - sum tann einasti

Lurta her